Chie semus e ite faghimus

ITE EST un'isportellu linguìsticu territoriale (connotu finas comente Ufìtziu de sa Limba Sarda)?

Custu servìtziu naschet pro more de sa lege natzionale 482/1999 e de su D.P.R. 345 de su 2 de maju de su 2001, e sa funtzione chi tenet est de assegurare in totue sa presèntzia de operadores cumpetentes chi potzant fàghere promotzione de sa limba sarda dende·li visibilidade in intro de sas amministratziones pùblicas e de sos logos in ue sunt presentes.

Custos ufìtzios los ant ativados in belle totus sas biddas de Sardigna.

In Pianalza e Montiferru otzidentale sos Comunes chi ant aderidu a custu servìtziu pro s'annualidade 2010 sunt ùndighi: Iscanu (capofila), Bosa, Frussio, Magumadas, Mòdolo, Montresta, Sàgama, Sinnarìolo, Sune, Tinnura, Tresnuraghes.

A ITE SERBIT?
S’Ufìtziu Limba Sarda traballat pro dare visibilidade a sa limba in sa vida de ogni die.

S’operadore est unu ‘mediadore’ chi ponet a disponimentu sas cumpetèntzias suas faghende de ‘ponte’ intre su Comune e àteros entes e assòtzios chi si òcupant de promotzione linguìstica. Collàborat cun sas realidades chi bi sunt, proponet istrategias, dat cussìgios e informatziones.

Operadoras de riferimentu pro su progetu de ocannu sunt sas dutoressas Gianfranca Piras (pro sos Comunes de Bosa, Mòdolo, Montresta, Sàgama e Sinnarìolo) e Maria Giovanna Serchisu (pro sos Comunes de Frussio, Magumadas, Sune, Tinnura e Tresnuraghes).

Sa parte amministrativa la curat su Comune capofila, chi est Iscanu.

Custu blog no est publicatzione giornalìstica periòdica: l'agiornamus cando càpitat, a tenore de sas novas chi nos parent de interessu pùblicu. Pro custu non cheret contadu che produtu editoriale cunforma a sa lege n° 62 de su 07/03/2001.

Nessun commento:

Posta un commento

Nota. Solo i membri di questo blog possono postare un commento.